Sáhttá addot doarjja olles prošektii dahje osiide prošeavttas. Sáhttá maid addot doarjja ovddidit prošeavttaid ja dutkanvuođustus árvvoštallan fágaovdánahttinprošeavttain. Ii addo doarjja čielga kvaliteahta nannemii dahje jorgaleapmái. Ohcamat mat gusket julev- ja máttasámiid dilálašvuođaide leat erenoamáš bures boahtin.

2012 juolludeames sávvá SÁNAG erenoamážit ohcamiid mat gusket čuovvovaš surggiide:

  • Kultur eaktudeaddji dearvvasvuođaovddidan oasit (hálddašanvuogit, recilience) klinihkalaš barggus ja dearvvasvuođa bálvalusas
  • Geavaheddjiid perspektiiva
  • Kulturdeaivvadeamit psykalaš dearvvašvuođasuddjemis
  • Kultuvrralaš fáktorat dáid oktavuođain: dearvvašvuođaveahki geavaheapmi, dávdamearkkat, buohcuvuođa áddejupmi, guorahallan, dikšu ja dálkkodeapmi

Sii geat váldet vuostá ruđaid leat geatnegahtton muitalit bargguidis bohtosiid birra seminárain maid Sámi našuvnnalaš gealboguovddáš – psykalaš dearvvašvuođasuddjen (SÁNAG) lágida. Ohcamis ferte maiddái buktit plána mo bohtosat galget almmuhuvvot (raporta, artihkal jna.). Doarjja eaktuda ahte SÁNAG namuhuvvo ruhtadangáldun almmuhemiid ja gaskkustemiid oktavuođas.

Elektrovnnalaš ohcan galgá leat siste ovdal dii. 12:00 njukčamánu 1. beaivvi 2012.

 Ohccit fertejit geavahit sierra ohcanskovi mii lea mielddusin dás vuolábealde. Loga maid oanehis bagadusa. Ohcamat mat bohtet sisa áigemeari maŋŋá eai gieđahallojuvvo.

Prošeaktačilgehus/protokolla ja dárbbašlaš dohkkeheamit/ávžžuhusat fertejit biddjot ohcamuša pdf-fiilan mielddusin. Dutkanprošeavttaid prošeaktajođiheaddjis ja dutkanovddasvástideaddjis galgá leat dutkangelbbolašvuohta medisiinnalaš ja dearvvašvuođaduŧkan lága njuolggadusaid mielde. Sámi našuvnnalaš gealboguovddáža – psykalaš dearvvašvuođasuddjen DjO-stivra gieđahallá boahtán ohcamiid. Ohcamat árvvoštallojit áššáigullevašvuođa ja kvaliteahta mielde.

Protokolla hábmemis galgá čuovvut áššegirjji ”Mii ferte leat mielde protokollas/prošeaktačilgehusas go ozat doarjaga SÁNAG DjO-foanddas”  ja “Mii berre leat mielde prošeaktačilgehusas go ozat prošeaktaovddidanruđaid SÁNAG DjO-foanddas?”

Sáddejuvvo vuolláičállojuvvon ohcanskovvi oktan mildosiiguin pdf-fiilan elektrovnnalaččat čujuhussii SANKS-FoU-soknader@helse-finnmark.no

Sáhtát váldit oktavuođa dutkan- ja ovdánahttinruđaid birra DjO-bagadalliin Grete Tørres, tlf. 934 63 968, e-poasta: grete.torres@helse-finnmark.no dahje DjO-jođiheaddjiin Vigdis Stordahl tlf. 415 07 291, e-poasta: vigdis.stordahl@helse-finnmark.no