Finnmárkku Dearvvašvuođas leat golbmo klinihka: Girkonjárgaklinihkka, Hámmarfeastaklinihkka ja Psyhkalaš divššu ja gárrema klinihkka. 

Buohcceviesuin leat medisiinna, kirurgiija ja riegádusdivššu fáhkkadoaimmat Hámmarfeasttas ja Girkonjárggas.

Psykiatrijas leat golbma guovllupsykiatriija guovddáža (DPS-at) main leat doaimmat Álttás, Hámmarfeasttas, Dálbmeluovttas, Deanus, Leavnnjas ja Kárášjogas. Finnmárkkuklinihkka Kárášjogas gullá maid dasa. Oarje-Finnmárkku guovllupsykiatriija hálddahus lea Álttás. Nuorta-Finnmárkku guovllupsykiatriija hálddahus lea Deanus. Gaska-Finnmárkku guovllupsykiatriija ja SÁNÁG hálddahus lea Leavnnjas.

Sámi psyhkalaš divššu našunála gealboguovddáš (SÁNÁG) galgá ovdánahttit ja fállat psykiatriija divššu norggabealde sámi álbmogii.