Finnmárkku dearvvašvuođadoaimmahat lea okta Davvi Dearvvašvuođa viđa doaimmahagain ja fállá spesialistadearvvašvuođabálvalusaid Finnmárkku álbmogii. Hálddahus lea Hammerfeasttas. Nubbi buohcceviessu lea Hámmarfeasttas ja nubbi lea Girkonjárggas. Psykiatriijabálvalusat ja gárrenmirkkodikšu leat lávdaduvvon miehtá fylkka.

Finnmárkkus lea buorre lávdaduvvon spesialistadearvvašvuođabálvalus.– Alta-modealla lea nášunála dásis rámponveara ovdamearkan das mot lávdaduvvon dearvvašvuođabálvalus doaibmá. Kárášjogas lea maid ollu doaimmat mas erenoamážit čalmmustit sámi álbmoga dearvvašvuođabálvalusaid. Eanas Finnmárkku suohkaniin leat buhcciidstobut – oktiibuot 40 saji – maid Finnmárkku dearvvašvuođadoaimmahat ruhtada/máksá oasi. Buhcciidstobut addet buori ja oadjebas dearvvašvuođafálaldaga lagašbirrasis, ásahuvvon guhkes gaskkaid dihte ja olmmošlogu ektui.

Finnmárkku Dearvvašvuođas leat golbma klinihka: Girkonjárgaklinihkka, Hámmarfeastaklinihkka ja Psyhkalaš divššu ja gárrendivššu klinihkka. Doarjjadoaimmat leat oktasaččat: ruhtadoalllu, rehkedoallu, bargit, bálká, teknihkkadoaimmat, dutkan ja fágaovddideapmi. Fylkka guhkes gaskkaid geažil leat doalahan guokte buohcceviesu mat guktot sáhttet váldit vuostá fáhkkabuhcciid medisiinnas, kirurgiijas ja riegádahttimis. Psykiatriijas leat golbma guovllupsykiatriija guovddáža guđa geografalaš sajiin. Sámi psyhkalaš divššu našunála gealboguovddáš (SÁNÁG) galgá fállat ovdánahttit dearvvašvuođafálaldagaid sámi álbmogii olles riikkas.

Finnmárkku guhkes gaskkaid geažil lea erenoamáš dehálaš doalahit lagaš ja geatnegahtti ovttasbarggu suohkandearvvašvuođabálvalusain. Finnmárkku dearvvašvuohta sihtá leat buorre ovdamearkan das mot lávdaduvvon dearvvašvuođabálvalusaid sáhttá doaimmahit ovttas suohkandearvvašvuođabálvalusain.

Dearvvuođat
Hans Petter Fundingsrud
Direktevra