Čuohpadandoavttir
Čuohpadandoaktárat čielggadit, dikšot, čađahit maŋŋiliskkadeami ja čuovvulit buohcceviesus čuohpaduvvon divššohasaid. Čuohpadandoaktárat fitnet poliklinihkas gaskamearálaččat 2 beaivvi mánus.

Čađahuvvojit gastroskopijat ja colonskopijat, cystoskopijat, almmáiolbmuid steriliseren ja smávva čuohpadeamit main ii dárbbaš nohkkadit eará go rumašoasi.

Ortopeda
Ortopeda čielggada, dikšu, čađaha maŋŋiliskkadeami ja čuovvula buohcceviesus čuohpaduvvon divššohasaid. Ortopeda fitná poliklinihkas 6 beaivvi mánus.

Artroskopiija čuohpadeapmi čađahuvvo 3 beaivvi mánus. Maŋŋá čuohpadeami, de lea divššohas 2 diimmu ossodagas ovdal go beassá mannat ruoktot.

Nissondávdadoavttir
Nissondávdadoavttir čielggada, dikšu, čuovvula áhpehis nissoniid ja čađaha buohcceviesus dikšojuvvon divššohasaid maŋŋiliskkadeami. Nissondávdadoavttir lea poliklininkas juohke distaga. Nissondávdadoavttir ja poliklinihka jorddamovra ovttasbarget.

Mánáiddoavttir
Mánáiddoavttir čielggada, ohcá saji eará dikšui ja  čuovvula buohcceviesus dikšojuvvon divššohasaid. Mánáiddoavttir lea polikinihkas 2 beaivvi mánus ja sáhttá čađahit allergiijaiskosiid ja spirometriija stuorit mánáin.