Ossodagas leat 7 fysioterapevttat ja 2 ergoterapevtta.

Fysioterapevttat ja ergoterapevttat dikšot pasieanttaid buot somáhtalaš ossodagain Hammarfeastta buohcceviesus.

Ossodaga deháleamos bargu lea guorahallat ja dikšut pasieanttaid ja árvvoštallat lea go veahkkeneavvodárbu. Mii ohcat ja heivehit veahkkeneavvuid, addit dieđuid lagaš olbmuide, oahpahit studeanttaid ja nuppiid bargiid ja ovdánahttit fágamet. Ossodagat ovttasbargá bures doaktáriiguin, divššáriiguin ja nuppiid bargiiguin buohcceviesus.

Go pasieanta lea mannamin ruoktot, de ovttasbarget fysio- ja ergoterapeuvttat suohkandearvvašvuođabargiiguin.

Fysioterapevttat dikšot sihke sin geat leat buohcceviesus, ja sin geat fitnet beaivemohki. Mii fállat ovttaskas pasientii divššu, ja fállat oktanis divššu máŋga pasientii joavkkus. Okta fysioterapevta bargá "Raskere tilbake"-prošeavttain man ulbmil lea buohccin dieđihuvvon olbmuid máhcahit bargui nu johtilit go vejolaš. Prošeakta lea sin váras geat leat buohccin dieđihuvvon dahje soitet buohccin dieđihuvvot dearvvašvuođalaš sivaid geažil. Sii besset johtileappot buohcceviesu fysioterapevtta lusa.

Fysioterapevttat fállet earret eará dákkár divššu:
- Fysioterapiija geahppáid váras
- Ortopediija ja kirurgiija pasieanttaid fysioterapiija
- Dikšu/lášmmodahttin gáldnanvigiin ja nevrologalaš dávddain
- Lášmmodahttit pasieanttaid gean leamaš váibmohávvi dahje leat váimmu čuohpahan
- Riegádusdieđut
- Njuoratmánáid dikšu
- Borasdávdarávvagat, bávččasgeahpedeapmi ja lymfaødemadikšu
- Inkontineansadikšu
- Sealgeskuvla
- Háleštit pasieanttaiguin ja lagaš olbmuiguin
- Sealge- ja KOLS dikšu joavkkuin
- Árvvoštallat ja dikšut dábálaš deahkke-/dákteriggevigiid

Guovtti fysioterapevttas lea akupunktur oahppu ja fállet akupunktuvrra pasieanttaide.

Ergoterapevttat dikšot pasieanttaid mat leat buohcceviesus, eaige nu dávjá pasieanttaid geat fitnet beaivemohkis. Geriatriija bargojoavkku olis gal ovttasbarget ergoterapevttat suohkaniiguin.

Ergoterapevttain lea dát dikšu:
- Kártet makkár návccat ja makkár hehttehusat leat doaibmamis
- Kártet makkár hárjehallan ja doaimmat galget leat árgabeaivvis
- Háleštit ja rávvet pasieanttaid ja lagaš olbmuid
- Gávdnat ja heivehit veahkkeneavvuid
- Kártet ja heivehit ruovttudili

Fysioterapiija/Ergoterapiijaossodat lea buohcceviesu 1. gearddis.

Ossodatjođiheaddji lea Audun Bjerke.