Fásta fálaldagat Spesialistadoavtterguovddážis Kárášjogas:

Liikespesialista
Doavtterguovddáža liikespesialista guorahallá ja dikšu liikedávddaid sihke dálkasiiguin ja čuohpademiin. Son čuovvula daid pasieanttaid mat leat leamaš buohcceviesus. Son čuovvula maid dárkilit pasieanttaid geain leat bissovaš likkedávddat. Doavtteguovddáš čađaha čuovgadivššu ja allergiijaiskosiid.

Gulloguovddáš mas lea audiográfa
Doavtterguovddáš čađaha gulloguovddáš guorahallama ja heiveha gullanapparáhta ja čuovvula sin geat geavahit gullanapparáhta.

Johtti spesialisttat:

Bealjje-njunne-čotta spesialista fitná 2 vahku juohke mánu (vahku juohke jagi)
Johtti spesialista guorahallá buot lágan beallje-njunne-čotta dávddat ja geavaha earret eará microscopiija, endoskopiija ja čuoggáiskama. Spesialista čuohpada buot lágan čuohpadusaid maid sáhttá dahkat ovtta rumašoasi nohkkadeami bokte, ovdamearkka dihte drenadikšu, polyppevulšuvdna, njunnefractur responeren, snurrančuohpadus (radioniibbiin) ja čuohppá eret eamidielkkuid mat leat lahká beallji-njuni-čoddaga.

Leasmedoavttir fitná 2 vahku juohke nuppi mánu (12 vahku juohke jagi)
Johtti leasmedoavttir čielggada, dikšu ja čuovvula pasieanttaid main leat dávddat lađđasiin ja dehkiin.

Hámmerfeasta buohcceviesu nissondávdadoavttir fitná 2 beaivvi juohke mánu
Nissondávdadoavttir čielggada ja dikšu dávddaid nissoniid vuolledábiin. Son čuovvula áhpehis nissoniid ja čuovvula daid pasieanttaid mat leat čuohpaduvvon buohcceviesus.

Hámmarfeastta buohcceviesu mánáiddoavttir fitná 4-6 beaivvi juohke jagi
Mánáiddoavttir čielggada ja čujuha viidáseappot dikšui daid pasieanttaid mat leat leamaš buohcceviesus. Son čađaha allergiija iskosiid ja sáhttá stuorit mánáin čađahit spirometriija.

UNN sismedisiinna doavttir (váibmo/čoavje/čoalledávddat) fitná 10-12 vahku juohke jagi
Sismedisiinna doavttir čielggada, dikšu ja čuovvula pasieanttaid geain leat váibmosivat ja dávddat čoavjjis ja čoliin. Son čađaha rahčan-EKG, ultrajietnaguorahallamiid, gastroscopiija ja colonoscopiija ja eará.

UNN geahpesdoavttir 1-2 vahku juohke jagi
Geahpesdoavttir čielggada, dikšu ja čuovvula pasieanttaid geain leat bissovaš geahpesdávddat.

Hámmarfeastta buohcceviesu radiográfa  fitná 1-2 beaivvi juohke nuppi vahku
Radiográfa govve dábálaš dákteriggegovaid.

Røntgenlaboratoria
Spesialistadoavtterguovddáš oamasta Sis-Finnmárkku Røntgenvuođđustusa oasi. Vuođustusas lea okta laboratoria mas sáhttet čađahit non-invasiv røntgen-diagnostihka. Laboratorias bargá radiográfa gii sádde govaid radiologai gii geahččá govaid.