Copyright © Finnmárkku dearvvašvuođadoaimmahat 2010
|Ovddasvástideaddji doaimmaheaddji: Eilert Sundt
Finnmárkku Dearvvašvuođadoaimmahat, 9616 Hammerfest/Hámmarfeasta Telefuvdna: 78 42 10 00
E-poasta: postmottak@helse-finnmark.no
Sámi našuvnnalaš gealboguovddáš – psykalaš dearvvašvuođasuddjen (SÁNAG)
galgá barggustis bokte sihkkarastit ovttadássásaš bálvalusaid ja buori olahanvejolašvuođaid buot sámi geavaheddjiide geográfalaš, gielalaš ja kultuvrralaš rájáid rastá. Dat galgá dahkkot klinihkalaš bargguid, oahpaheami, oahpahusa ja dutkan- ja ovdánahttinbargguid olis.
Dáid doaimmaid oassin almmuhuvvo:
Doarjja dutkamii ja ovdánahttinbargguide 2012
SÁNAG DjO-foanda juohká gitta 2 milj. ruvnnu rádjai jahkásaččat dutkamii ja ovdánahttinprošeavttaide. Ulbmil ruđain lea doarjut prošeavttaid mat ovdánahttet máhtu olles Norgga sámi álbmoga psykalaš dearvvašvuođa suddjemis.
Sáhttá addot doarjja olles prošektii dahje osiide prošeavttas. Sáhttá maid addot doarjja ovddidit prošeavttaid. Ii addo doarjja čielga kvaliteahtanannemii dahje jorgaleapmái. Ohcamat mat gusket julev- ja máttasámiid dilálašvuođaide leat erenoamáš bures boahtin.
Sii geat váldet vuostá ruđaid leat geatnegahtton muitalit bargguidis bohtosiid birra seminárain maid Sámi našuvnnalaš gealboguovddáš – psykalaš dearvvašvuođasuddjen (SÁNAG) lágida. Ohcamis ferte maiddái buktit plána mo bohtosat galget almmuhuvvot (raporta, artihkal jna.). Doarjja eaktuda ahte SÁNAG namuhuvvo ruhtadangáldun almmuhemiid ja gaskkustemiid oktavuođas.
Elektrovnnalaš ohcan galgá leat siste ovdal dii. 12:00 skábmamanu 1. beaivvi 2011.
rošeaktačilgehus/protokolla ja dárbbašlaš dohkkeheamit/ávžžuhusat fertejit biddjot ohcamuša pdf-fiilan mielddusin. Dutkanprošeavttaid prošeaktajođiheaddjis ja dutkanovddasvástideaddjis galgá leat dutkangelbbolašvuohta medisiinnalaš ja dearvvašvuođaduŧkan lága njuolggadusaid mielde. Sámi našuvnnalaš gealboguovddáža – psykalaš dearvvašvuođasuddjen DjO-stivra gieđahallá boahtán ohcamiid. Ohcamat árvvoštallojit áššáigullevašvuođa ja kvaliteahta mielde.
Sáddejuvvo vuolláičállojuvvon ohcanskovvi oktan mildosiiguin pdf-fiilan elektrovnnalaččat čujuhussii:
SANKS-FoU-soknader@helse-finnmark.no
Sáhtát váldit oktavuođa dutkan- ja ovdánahttinruđaid birra DjO-bagadalliin Grete Tørres,
tlf. 934 63 968, e-poasta: grete.torres@helse-finnmark.no dahje DjO-jođiheaddjiin Vigdis Stordahl tlf. 415 07 291, e-poasta: vigdis.stordahl@helse-finnmark.no