Ossodagas lea njuoratmánáidovttadat mii dikšu buohcci njuoratmánáid ja njuoratmánáid guđet leat riegádan gitta guokte mánu beare árrat. Ossodat jođiha maid mánáidmedisiinna poliklinihka 0-18 ahkáhaš mánáide.

Ossodaga doaktárat fitnet jámma sihke Álttá spesialpoliklinihkas ja Girkonjárgga buohcceviesus doaimmheamen poliklinihka ja geahčadeamen sisačálihuvvon mánáid Girkonjárgga Riegádahttinossodagas. Mánáidossodat oahpaha ja bagada buohcci mánáid ja sin váhnemiid, sihke oktonaččat ja joavkkus, ovdamearkkadihte mánáid geain lea sohkárdávda.

Ossodagas leat valjit sihke doaktárat ja buohccedivššárat geain lea mánáidmedisiinna spesialistaoahppu. Ossodat doaimmaha doaktáriidda ja buohccedivššáriidda joatkkaoahpu. Mánáidossodaga bargit servet fágaidgaskasaš fágajoavkkuide mat sihkkarastet ossodaga dási ja ovdánahttet fáladagaid, ovdamearkka dihte dáin surggiin; astma ja allergiija, njuoratmánáidmedisiidna, sohkárdávda, hormonadávddat, nevrologiija ja eará.

Ossodat ovttasbargá suohkaniid vuođđodearvvašvuođabálvalusain ja UNN mánáidossodagain Romssas, ja dieđusge Finnmárkku Dearvvašvuođadoaimmahaga eará fágaossodagain nu mot Mánáid- ja nuoraidpsykiatriija poliklinihkka (MNP) og Mánáidveajuiduhttin.

Fástadoavttir dahje dearvvašvuođadivššár/dearvvašvuođastašuvnna doavttir sádde dikšoohcamuša min ossodahkii.

Ossodaga jođiha ossodatváldodoavttir Tone Sparr.
Vivi Beck lea ossodatbuohccedivššár.