Ossodat bargá mánáiguin geain lea duođalaš dahje máŋggabealát sivva mii lea dakkár ahte báikkálaš veahkkeásahusat dárbbašit čielggadanveahki ja /dahje heiveheami.

Ossodat fállá dáid:

  • Observašuvdna
  • čielggadeamit (jurddašeapmi, lihkadeapmi, stoahkan, sosiálaš dáiddut ja giella)
  • doaibmabijuid evttohusat
  • Bearrašiid ja veahkkeásahusaid bagadeapmi ja čuovvuleapmi
  • kurssat ja oahpahus, sihke oppalaččat ja oktonas máná guovdu

Ossodat fitná suohkaniin deaivamin sihke máná, bearraša ja veahkkeásahusaid. Mánná ja bearaš sáhttet fitnat veajuiduhttinorrumis ossodagas gitta ovtta vahkku.

Ossodat bargá ovttas báikkálaš veahkkeásahusain, sihke mánáidgárddiin, skuvllain, PPT bálválusain ja dearvvašvuođaásahusain. Ossodat bargá ovttas eará ásahusain mat doibmet olles fylkkas nu mo MNP, Veahkkeneavvoguovddáš ja ásahusat mat doibmet guovllu- dahje riikkadásis; Davvinorgga gealboguovddáš, Bealjehisčalmmehisguovddáš ja Autismaovttadat.

Dikšoohcamuša galgá suohkan-/fástadoavttir čállit sierra skovvái. Suohkana veahkkeásahusat berrejit ovdalgihtii ságastallat dan birra maid divššohas dárbbaša.

Mánáidossodagas barget sihke suodjalusdivššárat, fysioterapevta, spesialpedagoga, pedagoga, sosionoma ja psykologa. Mánáidossodaga mánáiddoaktáris lea medisinnalaš ovddasvástádus.

Ossodaga jođiha Hilde Lund.

Ossodagain váldá oktavuođá telefuvnna bokte 78 42 16 20