Ossodat lea fálaldat nuoraide geain leat duohta váttisvuođat dás:

- borranváttut
- psykosat
- sisballu/lossamiella
- sajáiduvvanváttut
- iešskáibmen
- gárrenmirkko- ja iešsorbmenváttut

Juohke nuorra oažžu sierra dálkkodanjoavkku gos leat psykiater, erenoamášpsykologa, erenoamášpedagogat ja birasterapeuttat geain lea iešguđetge fágaduogážat. Ossodagas lea sierra goahkka gii borramuša ráhkadeami oktavuođas geavaha gulahallama ja ovttasdoaibmama oassin dálkkodeamis. Dálkkodanfálaldat nuoraide heivehuvvo oktagaslaš dárbbuide.

Min jurddašanvuogis leat dát 4 oasi vuođđun: 
• Birasterapiija
• Oktagaslaš terapiija
• Bearašbarggut
• Fierpmádatbarggut
 
Ossodagas boahtá deattuhuvvot sámi oaidnu, nugo iešguđetlágan doaimmaid čađa sihke siste ja luonddus. Áigeguovdilis doaimmat sáhttet leat duodji, murjen, oaggun j.n.v.

Finnmárkku Fylkkagielda jođiha skuvlla mas Leavnnja joatkkaskuvllas lea fágalaš ovddasvástádus. Skuvlla erenoamášpedagogat barget ovttas dálkkodeaddjiiguin, ja sis lea lagaš oktavuohta nuoraid ruovttuskuvlla oahpaheddjiiguin. Skuvllas lea fálaldat mánáide ja nuoraide skuvlaagis, ja maiddái nuoraide joatkkaskuvllas. 

Sisačáliheamit deike leat eaktodáhtolaččat. Ossodat ii váldde vuostá nuoraid geain lea dárbu heahteveahkkái dahje leat bákkus psykalaš dearvvašvuođasuddjema vuolde.Sáhtat sisačálihuvvot 1 gitta 8 mánnui, muhto dát heivehuvvo juohkehažžii. Ossodagas leat 6 saji, gos 2 leat dušše sámi nuoraide várrejuvvon.

Buot  Heahteveahkki gullá ain Nuoraidpsykiatriija juogádussii (UPS) Universitehtabuohcceviesus, Romssas. 

Mii ávžžuhat geahččalit poliklinihkálaš čielggademiid ja dálkkodemiid ovdal čujuheami deike. Čálalaš čujuhusa ovddida Mánáid- ja nuoraid psykiatriija poliklinihkka (MNP) dahje Sámi nuoraidpsykiatriija joavku (SNJ).

Ohcan sáddejuvvo deike:

Nuoraidpsykiatriija ossodat
SÁNAG
Poastastobe 4
9735 Kárášjohka

Fitnančujuhus:
Stuorraluohkká 35
Tlf: 78 46 95 90
Fax: 78 46 95 51