Astmaskuvlla preassadieđáhus:

Girkonjárgga buohcceviessu, Mátta-Várjjat gielda ja Norgga astma ja allergiija lihttu leat 1990-logu álggu rájes ovttas lágidan Astmaskuvlla váhnemiidda geaid mánáin lea astma Nuorta-Finnmárkkus. Váhnemat geat leat searvan leat hui bures liikon astmaskuvlii ja astmaskuvla lea sin oadjudahttán ja oahpahan sidjiide hálddašit máná dávdda. Dađi bahábut heaittihuvvui Girkonjárgga buohcceviesu Oahppo- ja hálddašanguovddáš ja ruhta nohkagođii ja danne nogai maid dát fálaldat. Mannan 1 1/2 jagi ii leat leamaš astmaskuvla.

Nuorta-Finnmárkku astmaskuvlla áŋgiris olbmot leat ieža mearridan čoahkkanit ja miessemánu 31. beaivvi čađahuvvo astmaskuvla váhnemiidda geaid mánáin lea astma Nuorta-Finnmárkkus. Oahpahus lea Girkonjárgga buohcceviesus.
Astmaskuvlii mii čoahkkanit ovtta beaivvi dán giđa ja oktii čakčat. Mánát eai oassálastte, muhto doavttir ja buohccedivššár sáhttet deaivat máná čakčat ja ráhkádit mánnái ovttaskas máná dikšunplána mii sáddejuvvo fástadoaktárii.

Váhnemiidda/ovddasteddjiide máksojuvvo buohcceruhta guokte beaivvi ovddas go oassálastet astmaskuvllas. Finnmárkku Dearvvašvuohta máksá mátkki ovdan ruoktot. Jos lea sadji, de sáhttet mánáidgárdebargit, oahpaheaddjit ja skuvlaastoáiggefálaldaga bargit maid searvat danne go sii fuolahit astmamánáid máŋga diimmu juohke beaivvi.
Fálaldat ii leat leamaš doaimmas muhtun áiggi ja mii leat oalle fargga čoahkkaneamen ja danne mii bivdit medias veahki muitalit fálaldaga birra vai váhnemat/ovddasteaddjit besset diehtit dán birra. Kursadieđut ja dieđihanskovvi leat sáddejuvvon buot fástadoaktáriidda ja dearvvašvuođastašuvnnaide Nuorta-Finnmárkkus. Sii addet eambbo dieđuid.

Dieđihit sáhttá maid njuolga Girkonárgga buohcceviesu medisiinnalaš poliklinihkkii. Áidna eaktu lea ahte doavttir lea cealkán máná diagnosa astman. Váhnemat ja ovddasteaddjit sáhttet ieža maid dieđihit oasseváldin.
Jos media berošta, de sáhttá media ráhkádit ášši dan birra mii dáhpáhuvvá dábálaš Astmaskuvllas Girkonjárgga buohcceviesus.

Dieđit oasseváldin:
Berit Wøhni Henriksen, geahpesbuohccedivššár, medisiinna poliklinihkka, Girkonjárgga buohcceviessu, tlf. 78 97 33 25, e-post berit.wohni.henriksen@helse-finnmark.no

Eambbo dieđut midosis dárogielsiiddus.