Mánáidveajuiduhttin, Ollesolbmuid veajuiduhttin ja Johtti Veajuiduhttinjoavku ledje Ongajogas guovvamánu 21. ja 22. beivviid. Čoahkkimis álggahedje ulbmillaš ovttasbarggu vai bálvalus buorránivččii, šattášii olámuttus ja vai ressursat geavahuvvoše buorebut. Fágalaš ja sosiálalaš deaivvadeamis oahpásmuvve bargit guhtet guimmideaset gelbui ja ressursaide, nanosmahtte oktavuođaid ja bargagohte eambbo rahpasit guhtet guimmideaset ektui.

Mánáidveajuiduhttima osd. jođiheaddji Hilde Lund

Bálvalusa bargit bukte ovdan iežaset bargosurggiid ja muitaledje mo lea ovttasbargat suohkaniin, mo lea hukset fierpmádagaid Finnmárkkus ja mo lea bargat ovttaskas olbmo plánaiguin. Mánáidveajuiduhttin muitalii prošeavtta birra ”Fágaidgaskasaš ulbmiliiguin bargat”. Sosiála- ja dearvvášvuođadirektoráhtta ruhtada prošeavtta.

Bálvalusaid ulbmiljoavkkut leat guovtteláganat, muhto olu lea aŋkke oktasaš. Buot bargoveagat galget bargat buot 19 suohkaniin Finnmárkkus. Eanas háviid go soamis lea dáhtton veahki bálvalusas, de lea sáhka váttis gažaldagain mat gáibidit máŋga veahkkeásahusa ovttasbarggu.

 

Guhkkin meahcis oahpásmuvve oasseváldit sihke fágalaččat ja olmmošlaččat.