Kurssa leaba erenoamáš psykologa Kjell Dalan Finnmárku-klinihkas ja psykologa ja joavkopsykoterapevta Freda Arielle Muscovitvh Canadas eret dahkan. Freda bođii gitta Canadas jođihit kurssa. 

Kurssas lei sihke plenum- ja joavkobargu. Kursa bisttii 2 beaivvi, 4 bargis lei vel liige beaivi ovdalgihtii oahppat jođihit joavkobargguid. Joavkojođiheaddjit ledje Reidun Rasmussen (SÁNAG bearašossodagas), Line-Berit Skotnes (Finnmárku-klinihkas), Lena H. Larsen (Finnmárku-klinihkas) ja Johan Gaup (DPS- Áltá).

Leamaš hui miehtemielalaš ruovttuluottadieđut.

Kjell Dalan ságaid mielde lea dát erenoamáš jurddašanvuohki. Go son muhtin konferánssas Englánddas 1991:s deaivvai Freda, álggahuvvui sudno prošeakta ovdánahttit fálaldaga joavkoterapiija gárrenmirkofuolahussii. Ovdalis ii gávdnon dievaslaš fálaldat oahpahit terapevttaide joavkoterapiija. Sudno jurdda lea dál, 20 jagi maŋŋil álggaheami, bivnnut fálaldat iešguđetlágan fágabirrasiidda Norggas.