SÁNAG, mánáid ja nuorat ossodat, Kárášjohka áigu čalmmustahttit beaivvi ovttas sámi joatkkaskuvlla dearvvašvuođa- ja sosiálafága ohppiiguin. 

SÁNAG, mánáid ja nuoraid ossodaga studeantta guovttos, Lise Mari Larsen ja Karine Hæggernæs áiguba logaldallat garra balu ja lossamiela birra buot joatkkaskuvlla ohppiide tii. 08.30. Maŋŋá dan lea joavkobargu gos SÁNAG ovddasteaddjit ja dearvvašvuođa- ja sosiálafága oahppit  mannet joavkkuide searválagaid daid eará ohppiiguin. Bargu loahpahuvvo plenumságastallamiin fáttá birra. 

Tii. 1200 - 1400 galget SÁNAG ovddasteaddjit ovttas dearvvašvuođa- ja sosiálafága ohppiiguin čuožžut olggobealde Coop-buvdda Kárášjogas juohkit dieđuid SÁNAG, Mental Helse (máilmmibeaivvi) ja Sámi joatkkaskuvlla birra.