Ossodat čađaha eanas elektiivva kirurgiijaid, ja árvvoštallá ja čielggada poliklinihkas buotlágán dikšuiohccojuvvon ortopediija divššohasaid.

Ossodat bargá ovttas buohcceviesu røntgenossodagain mii govve dábálaš røntgengovaid ja čađaha CT-scannemiid ja ultrajietnaguorahallamiid. Ossodat fállá maid johtti MR-guorahallamiid.

Divššohasaid mii dikšut juogo beaivekirurgiija/poliklinihka kirurgiijas dahje čuohpadit sisačálihuvvon divššohasaid, dan duohken makkár dávda lea, divššohasa ahki ja dávddat muđui.

Dahkulahtukirurgiijas čuohpadit čoarbbeallađđasiid ja čibbelađđasiid. Váttis dahkulahtučuohpadusaid čujuhit Davvi-Norgga universitehtabuohccevissui.

Čađahit čibbe-, oalge- ja juolgelađđasis artroskopiija kirurgiija. Dikšut ovdamearkka dihte meniska vigiid čippis ja impingmeantta oalggis.

Ossodat maid čađaha geahpideaddji ja njulgejeaddji čuohpadusaid ovdamearkka dihte osteotomiijaid jos čibbelađđasis lea artrosa. Ossodat divoda go juolgi lea deahpánan  ovdamearkka dihte hallux valgus ja čađaha stiivvidančuohpadusaid jos mat lea artrosa dahje sivva juolgelađđasis ja maŋŋájuolggis.

Ossodat čielggada sealge- ja niskegivssiid. Jos ferte čuohpaduvvot, de čujuhuvvo Davvi-Norgga universitehtabuohccevissui.

Ossodat dikšu juohkelágán háviid, earret eará buollánháviid. Jos lea garrasit buollán, de čujuhuvvo Haukeland buohccevissui.

Finnmárkku dearvvašvuođadoaimmahaga mánáidossodat lea Hámmarfeastta buohcceviesus. Mii čielggadit ja dikšut mánáid ortopediija vigiid ovttas mánáidossodagain.

Ortopediija ossodat bargá ovttas fysikála ossodagain, ja fysioterapevta doaibmá ossodagas. Ossodat bargá ovttas Finnmárkku lášmmodahttinguovddážiin (Álttás) ja Davvi-Norgga dikšolávgun- ja veajuiduhttinguovddážiin Romssas (Kurbad). Ossodat maid bargá ovttas Davvi-Norgga ortopediijadivohagain Romssas, ja sis lea maid poliklinihkkadoaibma Hámmarfeastta buohcceviesus.

Ossodagas lea satelihttaossodat Álttás, namalassii Finnmárkku dearvvášvuođadoaimmahaga spesialistapoliklinihkka mas leat røntgendoaimmat.

Ossodatváldodoavttir lea Nenad Tajsic.

Ossodatbuohccedivššárat: Bjørn Arne Gjøvik (seaŋgalanjain) ja Oddlaug Halvorsen (krirgiija/ortopediija poliklinihkka).