Ossodat lea sihke riegádahttin/riegádus ja nissondávdaovttadat. Dáppá riegádit 260 – 300 máná jagis. Bargit leat jorddamovrrat ja mánáiddivššárat geat barget buot joavkkuiguin. Ossodagas leat 2 nissondávdadoaktára. Mis leat 2 riegádahttinlanja, 7 riegádusseaŋgga ja 4 nissondávdaseaŋgga. Das leat maid ahpehis nissonat geahču vuolde. Dáppe riegádit mánát 36. vahku rájes. Jos riegádeapmi lea ovdal 36. vahku, de sáddejuvvo nisson Hámmarfestii dahje Romsii, vaikko riegádus lei galgat leat dáppe. Danne go mis ii leat fásta mánáiddoavttir dáppe.

Riegádahttinstobus lea latnja mas lea lávgunlihtti, ma sáhttá geavahit ovdal riegádahttima.

Riegádahttimis sáhtát geavahit sihke molssoevttolaš ja dálkkaslaš bávččasváidudeddjiid;

Massaše, liegga lávgun/riššun, leigga giesaldagat, akupunktuvra (oahppan akupunktevrra bokte),
steriilačáhcepapler, lystgássa, bávččasváidudeaddji sprøyta, epiduraljámálgahttin.
Mii čađahit sihke plánejuvvon ja fáhkka keaisarsnihtaid jos dárbbašlaš.

Riegádusossodat jođihuvvo eatni-máná prinsihpaid vuođul (ossodat oažžui Dearvvašvuođadepartemeantta ođđa dohkkejumi 2005). Dat máksá ahte veahkki ja bagadallan lea heivehuvvon dutnje ja njuoratmánnái. Eadni ja mánná galggašeigga leat nu ollu ovttas go vejolaš, ja eadni galggašii oahppat dovdat mánás ráfálaš birrasis. Áhčči ja oarbinat galggašedje maid beassat oahpásmuvvat ođđa mánnái. Sii besset leat ossodagas measta olles beaivvi.

Mis lea mánáiddoavttir gii boahtá Hámmarfeasttas oktii vahkus. Jorddamovra guorahallá ja áisá máná maŋŋá riegáeami. Buot mánát ánssášit ahte juogo mánáiddoavttir dahje nissondávdádoavttir guorahallá máná ovdal go lea vuolgga ruoktot.

Eanas eatnit vulget ruoktot maŋŋá sullii 3 jándora jos riegádahttin lei dábálaš. Mii rávvet vuosttašgeardderiegádahttiid orrut veaháš guhkit min luhtte sihke iežaset ja máná dihte danne go mis leat buorit fálaldagat mat addet buori álggu váhnenbargui.

Buot mánáin váldojuvvo varraiskkos 64 – 72 diimmu maŋŋá riegádeami, nu gohčoduvvon Følling (guorahallat ávnnasmolsuma: fenylketonuri ja vejolaš váilevaš guoggomasráksahormona). Mii sávvat váldit várraiskosa ovdal go lea ruoktot vuolgga, muhto sáhttá maid váldit iskosa ruovttusuohkanis.

Girkonjárgga buohcceviesus leat máŋggaid čearddaid olbmot, earret eará danne go mis lea dorvoohccii vuostáiváldi, ja ránnjáriikkat. Danne riegádahttinossodagas leat dieđut máŋggaid gielaide; Tamilagiella, indiagiella, serbokroahtagiella, kurdargiella, ruoššagiella, sámegiella ja suomagiella. Mii geavahit dulkabálvalusa vai lea sihkár ahte eadni ja mánná oažžuba rievttes dieđuid ja čuovvoleami.

Sør-Varanger ja Finnmarken aviissat govvdejit dearvvuođagovaid aviissaide.