Davvi Dearvvašvuođa stivrrajođiheaddji, Bjørn Kaldhol, logai ahte jándorfálaldaga rahpan dagaha Davvi Dearvvašvuođa buoremus doaimmahahkan mánáid ja nuoraidpsykiatriia suorggis

Máret Hildur Stueng juoigga láidestii Kaldhol:a oktan gussiiguin nuoraidpsykiatriija ossodahkii. Lei Kaldhol gii rabai dan ođđa ossodaga, gosa čáhket gitta guhtta nuora geain leat psykalaš váttisvuođat.
- Mus lea stuora oadjebasvuohta gelbbolašvuhtii ja jáhkan dán šaddat buorre fálaldahkan, logai Kaldhol.

Riikaviidosaš

Finnmárkku Dearvvašvuođa direkteura, Eva Håheim Pedersen, geažuhii ahte njeallje saji leat buot Finnmárkku nuoraid váste, ja guokte saji fas sámi nuoraide miehtá riikka. Son logai ahte son lea hirbmat movtta go dákkár fálaldat lea ásahuvvon Finnmárkkui, ja deattuhii dehálažžan dan ahte nuorat eai dárbbaš dál vuolgit nu guhkás eret ruovttubáikkis. Pedersen mielas lei dat dáiddalaš herven hirpmástuhtti. - Olmmoš šaddá nu buorre millii go boahtá deike, logai Pedersen. Dáiddár Jørn-Are Keskitalo lea herven seinniid dakkár tevnnegiiguin mat leat nuoraid miela mielde. 

Guhká vuordán

Odne bohtet dat vuosttaš nuorat ossodahkii Kárášjogas. SÁNAG jođiheaddji, Gunn Heatta, lea duđavaš go ossodat lea gárvanan. - Boahtte vahku bohtet guovttis, ja viđát boahta moatti vahku geažes. Dát muitala man dárbu dán ossodahkii lea, lohká Heatta.  Son aiddostahttá vel loahpas ahte mii fertet vuoruhit nuoraid.
- Jus mii galgat eastadit psykalaš váttuid rávisolbmuiguin de fertet mii álgit nuoraiguin, lohká Heatta. 

Moatti lávlaga maŋŋá logai Slincraze ahte son jáhkká dát šaddá buorre báiki nuoraide.
Stivrajođiheaddji Bjørn Kaldhol dás Anna Ravna Bær:ain, Kárášjohtgávttin ja Ellen Kalstad:ain fas julevsámigávttiin.

 

 SÁNAG-jođiheaddji, Gunn Heatta.

 

Ossodatjođiheaddji, Edith Johnsen (ovddabealde) ja nubbinjođiheaddji  Anneli Naukkarinen.
Berit Anette Somby, Nina Nedrejord, Erik Olsen, Astrid Hofstad, Ann- Christin Laumann Pettersen, Ann Karin Johnsen ja Gunnar Brenne nuoraid buđaldanlanjas.

 

Guovdageainnu gándavuotta joŧkojuvvon Unjárgga nissunvuoddagiin, lei rahpamis govastahkan ovdáneaddji ossodahkii.