Finnmárkku dearvvašvuođadoaimmahaga ja Davvi-Norgga universitehtabuohcceviesu (UNN) johtti spesialisttat doaimmahit stuorra oasi barggus. Veahkkebargit geain lea sierranas gelbbolašvuohta johtet spesialisttaid fárus go lea dárbu. Poliklinihkka lea rabas dušše beaivet.

Dát fálaldagat leat Álttá spesialistapoliklinihkas:

Røntgen
Govvet dákterikki ja geahppáid beaivet. Radiográfa čađaha guorahallama ja sádde digitála govaid Hámmárfeastta røntgenii. Radiologa geahčada ja diagnostisere røntgengovaid. Røntgen váldá vuostá fáhkkabuhcciid mat bohtet suohkana váktadoaktára luhtte beaivet.

Vuođđodoavttir/fástadoavttir ferte sáddet dikšoocamuša Hámmarfeastaklinihka røntgenossodahkii. Hámmarfeasttas várrejit diimmu ja sáddejit gohččunreivve daidda divššohasaide guđet galget Álttás váldit røntgena.

Liikkedávddat
Čuovgadikšu čađahuvvo beaivet. Liikespesialista diŋgo čuovgadivššu. Fálaldat lea divššohasaide guđet guhkit áiggi buhcet liikkedávddain.

  • UVA ja UVB/ universal ja oasášdikšu
  • KP – lávgun
  • PUVA – dikšu (lávgun + čuovga, ja soitet maid tableahtat + čuovga)
  • Liikkeiskosat– epi iskkus + čuoggáiskkus
  • Hávvedikšu

Sealgeeadni
Sealgeeadni bargá 20 % virggis. Son veahkeha áhpehis nissoniid ja čađaha screening ovttas Hámmarfeasttaklinihka nissondávdadoaktáriin.

Johtti spesialisttat
Finnmárkku dearvvašvuođadoaimmahaga ja Davvi-Norgga universitehtabuohcceviesu johtti spesialisttat maid fitnet poliklinihkas.

Čakčat 2006 ja giđđat 2007 fitnet Hámmarfeastta spesialisttat čađaheamen oktageardánis ortepediija ja kirurgiija čuohpademiid.

Ossodatjođiheaddji lea Sidsel Gjermundsen.

Álttá spesialistapoliklinihkka telefunnummar lea: 78 48 39 00 og telefáksa 78 48 39 01