Láhka galgá sihkkarastit olles álbmogii seammá buori dearvvašvuođafálaldagaid ja sihkkarastit divššohasa mielmearrideami geavaheaddjin. Láhka stivre divššohasaid vuoigatvuođaid Norgga buohcceviesuid divššus.

Lágas leat dát váldočuoggát:

1. Vuoigatvuohta beassat válljet buohcceviesu

2. Vuoigatvuohta oažžut dárbbašlaš dearvvašvuođaveahki ja fievru
Dus lea vuoigatvuohta oažžut dárbbašlaš dearvvašvuođaveahki. Dás lea maid sáhka veahkis mii galgá addot vajot.

3. Mielváikkuhus ja diehtojuohkinvuoigatvuohta
Dus lea mielváikkuhusvuoigatvuohta guorahallamis, divššu ja vuoigatvuohta oažžut dieđuid. Dieđut du dearvvašvuođadili birra galget meannuduvvot gustojeaddji jávohisvuođa njuolggadusaid mielde.

4. Miehtan
Dearvvašvuođaveahki sáhttá addit dušše jos divššohas dasa miehtá. Dus lea vuoigatvuohta vuostálastit divššu mii guhkidivččii du eallima.

5. Journálageahččama vuoigatvuohta
Dus lea vuoigatvuohta beassat geahččat iežat journála.

6. Mánát
Mánáin lea vuoigatvuohta oažžut dearvvašvuođaiskkadeami dan suohkanis gos mánná ássá. Mánáin lea ovttastallanvuoigatvuohta váhnemiideaseatguin buohcceviesus.

7. Váidaleapmi
Dus lea vuoigatvuohta sihtat dearvvašvuođaveahki. Jos oaivvildat ahte dákkár veahkki ii leat addojuvvon, de sáhtát váidalit fylkkaid dearvvašvuođagehččui (ovdalaš fylkkadoavttir). Dearvvašvuođageahčču sáhttá árvvoštallat divššu maid don leat ožžon. 

8. Divššohasáittardeaddji
Fylkkasuohkaniin leat divššohasáittardeaddjit geat galget vuhtii váldit divššohasaid beroštumiid. Sidjiide galget addojuvvot govttolaš dieđut divššu birra maid don leat ožžon. Divššohasáittardeaddji sáhttá buktit cealkámuša du áššis.